చీకటి తెరచాటు దాటి ముసుకేసుకున్నిలోకాన్ని చూడడమా? స్వాతంత్ర్యం.
పరవాడి చేర విడి సొంతవాడి దోపిడీకి గురికావడమా? స్వాతంత్ర్యం
స్వేచ్చ వాయువులు పీలుస్తూ అది అందించిన ప్రాణదాతల శ్వాసలు మారవడమా? స్వాతంత్ర్యం
నాడు తెల్లదొరలు సిరిసంపదలు దోచుకొన్ని మిగిల్చిన భారతమాత ప్రాణాలను
తన బిడ్డలే హరించడమా ? స్వాతంత్ర్యం
విధాత రాసిన తలరాతలను రాజకీయ నాయకులు తిరిగి రాయడమా? స్వాతంత్ర్యం
నా హక్కులంటూ ఈ దేశాన్ని మరిచి తానుకు తానే ఏ కాకిలా బ్రతకటమా?స్వాతంత్ర్యం
ఆర్దిక అసమానతలు , దోపిడీ, అశాంతి , ఆకలిచావులు ,స్వార్ధపు వర్ణాలతో
భారత భూమిన్ని నింపి త్రివర్ణపు జెండాకి వందనం చేయడమా ? స్వాతంత్ర్యం
ఏది నిజమైనా స్వాతంత్ర్యం ?ఎక్కడుంది నిజమైనా స్వాతంత్ర్యం ?
గాంధీ కన్న కలలు కనడం కాదు గాంధీ కన్నులతో ఈ లోకాన్ని
చూడగలిగినప్పుడే నిజమైనా స్వాతంత్ర్యం
స్వాతంత్ర్య పోరాట యోధుల చిత్ర పటాలు కొలువుతీర్చడం కాదు
వారి ఆశయాలు మనసులలో నింపుకోవడమే నిజమైనా స్వాతంత్ర్యం
ప్రతి భారతీయుడు తనను ఓ మనిషిగా కాదు ?
ఓ భారతీయుడిగా తనను తాను పరిచయం చేసుకోగలిగినప్పుడే
నిజమైనా స్వాతంత్ర్యం
