y.s.r కి చిరు కవిత నివాళి

పేద వాడికి దూరమైన ఆశలను
నీ పాదయాత్ర తో మరల వారి దరికి చేర్చావు
కడుపు కాలి అలమటించే ప్రజలకు
కేజీ రెండు రూపాయిల పధకం తో వారి ఆకలిని తీర్చావు
ఆర్దిక భారం తో జీవితపు తెరచాపలు చినిగిపోయిన ఎన్నో జీవితాలకు
పావలా వడ్డీ రుణాలను ఇచ్చి వారిని సుఖ తీరాలకు చేర్చావు
చినుకు తడి లేక బీటలు పడిన రైతు గుండెలను
జలయజ్ఞం తో ఆ ఆకాశ గంగ ను ఈ నేలకు దింపి భాగీరదుడివి అయ్యావు
ఎందరో మంది నిరోద్యోగులకు ఉపాధి పధకాలతో క్రొత్త జీవితాలను ఇచ్చావు
మరెందరో విద్యార్దుల విద్య కు ఉన్నత అవకాశాలు ఇచ్చి
వారి భవిష్యత్తు కు బంగారు బాటలు వేశావు
ఆర్దిక అసమానతలు, రక్తాన్ని చిందించే ఉగ్రవాదాలు, రైత్తన్న ల ఆకలిచావులు,
పసిపిల్లల ను కబళించే మహంమరి లు , తెలుగు అక్కచెల్లల కన్నీటి దారాల తో
నిత్యం గుండెలు రగిలి పోతున్న "తెలుగు తల్లి " కి శాంతిని ఇచ్చి
ఆ తల్లికి ముద్దు బిడ్డవి , పది కోట్ల ప్రజలకు అన్నవి అయ్యావు
మరి నేడు ఆ తల్లి ఒడిని విడిచి ఆంధ్రప్రదేశ్ ని అనాధాన్ని చేశావా ? ఓ రాజశేఖరా ?
నువ్వు లేక దిక్కు తోచన్ని నీ అక్క చెల్లెలు , అన్నదమ్ములు కోసం జగన్మోహుడు లా తిరిగి రావా?

నీవే

నా మదిలో ఆశల హరివిల్లు నిలిపిన చినుకు తడివి నీవే
నా కలల కోటను కూల్చిన కడలి కెరటం నీవే
నా మనసు నేర్చిన ప్రేమ ఓనమాలు నీవే
నా పెదవులు రచించిన మౌన కావ్యం నీవే
నా కంటి పాపకు జోల పాడిన జాబిలమ్మ వి నీవే
నా కంటి రెప్పల పై అల్లుకున్న కాళరాత్రి వి నీవే
నీ ఉహల దారులలో నన్ను నడిపింది నీవే
నీ యడబాటు తో నన్ను శూన్యం లో నిలిపింది నీవే
ఒంటరిగా సాగుతున్న నా జీవితాన్ని ఆక్రమించింది నీవే
నిన్ను నా అణుఅణువునా నింపుకున్న నన్ను ఒంటరిని చేసింది నీవే
నిన్ను పొందటాన్నికి నేను మరణించిన అది వరమే
మరు జన్మకైనా నా ప్రేయసివి నీవే