చెల్లి

నా అమ్మ కడుపునా పుట్టి నాకు అమ్మగా మారావు
నేను అందిచిన లాలనను నేడు నాకు నాన్నలా పంచుతున్నావు
నా చిన్ననాటి ఆటలలో నాకు సరిజోడువి అయ్యావు
నేటి నా బ్రతుకాటలో నన్ను గెలిపించే గురువుగా ఎదిగావు
నా చేతి వేళ్లు పట్టుకున్ని నడకలు నేర్చావు
నేడు తడబడుతున్న నాకు మార్గదర్శిగా నిలిచావు
నేను చూపే చందమామన్ని చూస్తూ నా చేతి గోరుముద్దలు తిన్నావు
నేడు జాబిలమ్మ లా నా జీవితపు బాటలో వెన్నెలను కురిపిస్తున్నావు
నాడు నేను పాడిన జోలపాటలతో హాయిగా నిద్రపోయావు
నేడు నీ ప్రేమ తో నా హృదయాన్ని లాలిస్తున్నావు
ఇన్నాళ్ళు అన్న చాటు చెల్లి గా ఎదిగావు
నేడు ఈ అన్నకే అమ్మగా మారావు
నీ అన్నగా ఉండే అదృష్టం ఈ జన్మకి చాలు

మరుజన్మ కి నీకు అమ్మగా పుట్టి నీ ఋణం తీర్చుకొనివ్వు

నా ఆఖరి ఆప్తుడు

నీ ఎడబాటు లో తన తోడుటుందన్న ఆశ కలిగించి
సాగుతుంది నేడు నీ తలపులు తాకగానే నన్ను విడిచి
ఎంతగా ఆపినా నా చేతిన్ని అడ్డుగా ఉంచి
ఇసుమంతైనా జాలి లేక పోతుంది నన్ను విదిల్చి
సాగింది నా జీవితం నీ జతలో తనన్ని మరిచి
నేడు ఎలా ఉండగలదు నా మాట మన్నించి
నా పై కోపమో ? నీ పై ఇష్టమో తెలియని అయోమాయపు స్దితి
కారణం ఏదైనా ఇక సాగాలి ఒంటరిగానే నా గతి
నా కన్నులు మూసి నీ కౌగిలి చేరే నా ఆఖరి ఆప్తుడిని ఆదరించి
కాలకాలం నీ పెదవుల పై నిలుపుకో చిరునవ్వులుగా మార్చి